ఒక్క క్షణం చాలు.....
నీ కంటి పాప లో వెలుగునవుతాను..నీవు నడిచే దారి లో పూవునవుతాను..
నా కలలు ఫలించె ఒక్క క్షణం చాలు...
నీ పెదవి పై మాటనవుతాను..నీ చూపులో ఆశనవుతాను...

నన్ను నేను మరిచే ఒక్క క్షణం చాలు..
నీ గుండెల పై సేదదీరుతాను..నీ అడుగులకు మడుగునవుతాను...

నీలో కరిగిపొయే ఆ ఒక్క క్షణం చాలు....మధురమైన కొన్ని వేల క్షణాల మాలికనవుతాను...

పెదవి దాటి మాట కదలదాయె నిన్ను చూడక కనులు నిలువవాయె
దారి చూపి దరి చేర్చుకో నేస్తం నిన్ను వీడి మనసు బ్రతుకదాయె
మదిలోని మాట వివరించేదెలా....
కంటి వెనుక కలను చెరిపేదెలా...
మాట వినని తలపును ఆపేదెలా....
నిన్ను వీడి క్షణము బ్రతికేదెలా...

నీ తోడు కోరుట పాపమైన వేళ చెరిగిపోని ఙ్నాపకాల నీడలో...
క్షణము ఒక యుగములా గడుపుతాను నేస్తం..